Tito xeye ni le ŋukɔn na míye xɛn:
- Gbɔn Mawu we ɛfɛnu mɛ, Okancica Xixo la we odanye o bɛ. Mɔ bɔ do e wu wema xeni nɔ ɖe oxo ye gɔnmɛ le saxwɛgbe mɛ na tɔn le zaanɖe.
Olodido xeye na mí wlan do saxwɛgbe mɛ ye mí na ɖe ye can tɔn-ɛ .
- Okancica xixo we wema na mí na mɔ ɖe tɔn-ɛ ye xɛn: Hlutu ,Ɛsidla ,Jonasi. Xeye na mí na mɔ wa odan sɔn ye wu nɔ ye xɛn: Samyɛli we wema tantyan Samyɛli we wema owegɔ,Otokplɔtɔye we wema ,Xɔluye we wema tantyantɔn.
- Le nyɔwlan nyɔxlɛ we akpaji mí na kplan nyɔwlan nyɔxlɛ ɛmɛ sandi owe
- Onudue kikan do ohan kpodo ohun na ye nɔ xo do e ji ye .
- A xlɛ olo do okan ji .
Onu xeni hudo mí ye:
Vɔ na otaɖojinu mɛ laye na do kpewu jɛ e ji, e hyan onu susu sɔn ɖokpo-ɖokpo míatɔnye kɔn
1- Ɛɖɛ xixo do ota na odan la
2- Mí na nɔ va kan ɛmɛ xeye ni le odan la jiye kpɔn ganmɛ-ganmɛ. Ye mɛ mɛ laye wɛ lo jɛ gbagba nɔ onyihɔngbe-onyihɔngbe, na odan a yi ŋukɔn nɔ.
3- Mí lo byɔ mi nɔ le kuku ɖiɖe mɛ tun, ofɛn ɖekpekpe xena mi na kpɔn le wema míatɔnye mɛ le hwexenu na mi na lo xlɛ ye nɔ, mi jɛ gbagba a bo na na mi a nyɔ-ɛ.
4- Mí ɖo na gɔ alɔ na odan le oho we omɔnu, e mɛ la bo nyi hudo taŋu, le oganxi xe mɛ na mí le xe. A do kpewu ɖu le e ji, Saxwɛgbe na yi ŋukɔn we ogaye sɔ afɔɖe sɔ ɖo ote a bo do na na ɖokpo-ɖokpo míatɔnye a jɔ ofun do odan xe la mɛ. Susu xena ye ɖe tɔn, wɛ nyi tun ɖokpo-ɖokpo míatɔnye, saxwɛvi wɛ alo ɛmɛ ɖekpekpe xeni gbɛ yi owan na saxwɛgbe la bo jlo na tintin-i do yi ŋukɔn, na nɔ na kpɔn ɛnɛ (100) le osun ɖokpo mɛ, vɔ na e hwe gbɔɔn wɛ nyi kpɔn ɛnɛ mɛ la. Saxwɛvi ɖokpo-ɖokpo bo ɖo na ɖo ogbɛvi we wema etɔn a bo do ɖe xlɛ tun he can he bo le Saxwɛgbe na yi ŋukɔn we ogbɛta la mɛ, na ogbe míatɔn can a do yi ŋukɔn.
Mi hɛn mi na yɔ:
97 58 97 76, 95 95 37 64, 94 42 48 94, 96 02 50 89
