Winwlan kinkɛnye we ŋukɔn yiyi
... wɛ nyi odan zɛtɛye xena ye na wasi a do na na ɛmɛye a kpewu kpɔn onu jɛ oxo Mawutɔn wu, a bo zan-ɛ nywɛɖe. Le omɔ mɛ la nu ke, ye nɔ wasi oyɛ ɖiɖeye, kpodo ohanye, xeye ni na sɔgbe kpo Mawu we oxo la.
Le akpa mɛ la ji, mí wasi oyɛɖiɖe, "Yesu Nazalɛtitɔn" do saxwɛgbe mɛ. Mí bo hun onu le oyɛɖiɖe mɛ la nu le onyihinhɔn 26ɔ odasun tɔn mɛ, le oxwe 2016 gɔ la mɛ.
Mí kplan onu ohansinɔ xeye ni le saxwɛ kansimɛye, ye ba do nyɔ-ɛ tun ohan jiji do saxwɛgbe mɛ bo le vivɛɖe. Le odan mɛ la mɛ, ohansinɔ laye, sɔ biblu we akpa xeye ni le saxwɛgbe mɛ ye, bo do kpa ohan. Le vivɔnu etɔn, mí ɖe agban ɖokpo tɔn, xe ji na ohan 12 le.
Odan buye mɔ le, na mí mɔ wasi le akpaxwe mɛ la, mi na kpɔn : Oyɛɖiɖe xeni nyi "Mawu we gbexo" bo nyi oyɛɖiɖe xlɛ ɖe ni zan cɛju 80, bo do gbɔn oxo otaji ni le Biblu mɛ zɛtɛye ji.
Mɔ bɔ do e wu, mí mɔ wasi oyɛ ɖiɖe xlɛ bu, xeni lɔ oxo do onu xeye ni le Titɔ e ji we wema mɛ ye wu. Dogbɔn Mawu we ɛfɛnu mɛ, agban xe la can o tɔn a bo gɔ alɔ na ɛmɛ ɖekpekpe.
Saxwɛgbe na yi ŋukɔn ɖe Mawu we gbexo tɔn le mɛmlɛɖa 27 dantasun 2021 Mi kpɔn onuwiwa la le bwɛ.
Oyɛɖiɖe xeni nyi "Mawu we gbexo" bo nyi oyɛɖiɖe xlɛ ɖe ni zan cɛju 80, bo do gbɔn oxo otaji ni le Biblu mɛ zɛtɛye ji.
Mɔ bɔ do e wu, mí mɔ wasi oyɛ ɖiɖe xlɛ bu, xeni lɔ oxo do onu xeye ni le Titɔ e ji we wema mɛ ye wu. Dogbɔn Mawu we ɛfɛnu mɛ, agban xe la can o tɔn a bo gɔ alɔ na ɛmɛ ɖekpekpe.
