Dogbɔn Mawu we ɛfɛnu mɛ, xena Okancica Yɔyɔ la do kpa, e mi jan wɛ Okancica Xixo la can we odanye do bɛ. Egbe fifi, Titɔ e ji, Hwliti, Ɛsidla kpodo Jonasi we wemaye, o sɔgbe le saxwɛgbe mɛ. Ogbɛta la bo le odan la ji bo lo wasi nɔ, le azan oviiɖe mɛ le ŋukɔn, Samyɛli we wema tantyantɔn kpodo owegɔ can na mɔ sɔgbe le saxwɛgbe mɛ.
Okancica Xixo le we odan lo yi e ji nɔ. Le danfɔsun we onyihinhɔn fɔtɔn ŋukun owegɔ gbe le oxwe akpo owe ota owe ŋukun ɛnɛ la mɛ, Saxwɛgbe Na Yi Ŋukɔn can onugbejekpɔntɔn yɔyɔye na ye a do va bɔ do ɛmɛ xixo laye wu a bo nɔ do gbeje Winwlan Kinkwɛn xeye we wemaye ni na va tɔn le azanye mɛ le ŋukɔn kpɔn.
Le Okancica Xixo la we odan la we ŋukɔn yiyi mɛ, mí va wa odan do oxokun ɖeye ji, bo sɔ ogbeta kpatakli do lena oxokun mɛ laye na nɔ nyi winwlan ɖo wu. Odanwiwa mɔsinhatɔn nɔ onyi le danfɔsun mɛ le onyihinhɔn fɔtɔn ŋukun atɔngɔgbe etɔn le Duntun.
