Le oxwe akpo owe ota ɖokpo ŋukun atɔn mɛ (2013) le otɔsun we onyihinhɔn oko ŋukun ɛnɛgɔ la gbe (24 otɔsun), Saxwɛgbe Na Yi Ŋukɔn ɖe ota tɔn-ɛ, ye bo sɔ-ɛ sɔ xlɔn onyi le Lobogɔ le hwanjaviye kpodo nyɔnuviye we ɛgbɛdaxwe. Bɛ sɔn gbegbe mɛ la, Saxwɛgbe Na Yi Ŋukɔn, jɛ okpɔ kpodo Wiklifu Benɛtɔn Kpodo SIL TOGO Benɛ a do wa odan alɔ le alɔ mɛ na anɔnugbe míatɔn (saxwɛgbe la) a do yi ŋukɔn. Okpɔjijɛ we odan mɛ la, ɖe onu susu tɔn-ɛ, mi wɛ egbe fifi le oxwe weɖokpo ha godo, nyɔwlan nyɔxlɛ wɛ, Okancica Yɔyɔ la wɛ, olododidoye wɛ, ajoye wɛ, dindɛnye wɛ, ohanye wɛ, onukpinkplan a do tɔn le aya mɛ wɛ... onu susu le bo nyi ale ɖaxo-ɖaxoye xeni tɔn sɔn okpɔjijɛ mɛ la mɛ. Dogba xe ji na mi ɖyɛ xe, na gɔ alɔ na mi na mi a do nyɔ odan xena Saxwɛgbe Na Yi Ŋukɔn lo wasi nɔ. Mi a wezɔn loo....